Irakasleekin egindako formakuntza saioetan, haur eta nerabeekin Heziketa Sexual eta Emozionala lantzeko jakintza eta baliabideak eskaintzen ditugu. Era horretara, gaia sakonago ezagutu eta ikasleekin dituzten esku hartzeen inguruan hausnartzen dugu, haur eta nerabeen ongizate emozionala zaindu eta indarkeria matxistaren prebentzioa egiteko. 

Formakuntzez gain, irakasleek ikasleekin dituzten zalantza edo gatazken ikuskapena egiten dugu, egunerokoan dituzten egoerak aztertu eta hauek bideratzeko orientabide praktikoak eskainiz. 

Bestalde, ikasleekin egindako tailerretan jasotako informazioa partekatzen zaie, ikasleei laguntzeko beharrezkoa den neurrian eta beti ere haien intimitatea errespetatuz. Horrela, detekzio lana ere egiten dugu, ikasle batzuen inguruan hitz egin eta hauei laguntzeko orientabideak proposatuz.

Beraz, irakasle eta hezitzaileekin lanketa hau egitea ezinbestekoa da, eraldaketarako tresna izanik, haien begirada eta jardunean emandako aldaketa txikiek onura handia suposatu dezaketelako ardurapean dituzten haur eta nerabeengan, baita komunitatean eta gizartean ere.

*Irakasleekin egindako formakuntza saioak haien behar eta eskakizunen baitan diseinatzen ditugu.