Saio hauen bitartez, autoezagutza, ahalduntzea eta erreparazioa lantzen ditugu emakumeekin*. 

Varelaren hitzetan, “Sexuak eta esparru emozionalak, gizonek emakumeen gainean duten dominazioa beste guztien ezberdina izatea eragiten du.”

Gainera, patriarkatuak emakumeak isolatzea bilatu izan du historikoki, hauek kontrolatzeko asmoz. 

Errealitate horren aurrean, espazio seguruak behar ditugu geure bizipenez hitz egin eta esperientziak partekatzeko. 

Emakumeak elkartzea ezinbestekoa baita geure burua zaintzeko. 

Taldean bildu, sentitzen dugun horri hitzak jarri eta geure burua besteengan islatuta ikusteak, erreparazioan laguntzen digu. Esaterako, Sortzen Aholkularitzak dioenez, erreparazioa plano ezberdinetan jorratu behar da. Batetik, arlo indibidualean. Eta, bestetik, arlo kolektibo eta publikoan.

Beraz, autoezagutza, ahalduntze eta erreparazioa lantzearen bitartez, emakumeen ongizatea sustatu nahi da. 

Eta haiek bizitzaz gozatzeko duten eskubidea aldarrikatuz, bide horretan lagundu nahi diegu.